Horas, slmt hari minggu VII Dung Trinitatis 15 Juli 2018.
Thema: "Janghon hamu ma Naposo Ni Tuhan i".
Huria ni Tuhanta....
Ragam do hamaolon na ni adopan ni si Paulus tagan mambaritahon barita na uli taringot tu Tuhan Jesus Kristus ima na gabe Mesias, Sipalua. Godang na mangalo, menentang, memusuhi, manginsahi ibana, alai marhite parjumpaan ni nasida i, gabe sisada tahi nasida laho pararathon barita na uli i tu halak Jahudi dohot Junani.
Tontu marhitehite turpuk on tangkas do dipataridahon Apostel Paulus dohot si Akuila, si Silas nang si Timoteus ngolu na marsitumpahan di panghobasion dohot angka ulaon na denggan. Ndang boi hita mangolu molo so marsiurupan tu ulaon na denggan, didok umpama ni halak batak, ndang tartuhuk sada halak pandingdingan. Hinorhon na marsiurupan tarida do di semangat na manghobasi ulaon ni Tuhan i laho mambaritahon barita nauli. Unang mamarsipasombuon (bnd. Gal.62). Tapadao ma angka roha na marsihosoman, na masiboan Leheng na di ngolu ni angka parhalado, alai mian ma hita dibagasan hasadaon huhut masipaleanan roha asa tulus barita na uli i tu liat portibion jala las roha ni Tuhanta mida hita.
Antong, marsiurupan ma hita rap mambaritahon Hata ni Tuhan i. Ulaon ni Apostel 18:1~8. Amin.
(Pdt. Nasib Parulian Nainggolan). Immanuel.